Baal Sansmaran book "Baalpane ri baatan" par tippni by Neetu Soni, Parlika

 परलीका

                                                                                                                                                                 18 अक्टूबर, 2010

आदरजोग ताऊजी श्री दीनदयाल जी शर्मा,

प्रणाम। आपरी पोथी 'बाळपणै री बातां' बांची। आ पोथी भोत ई रोचक अर मनभावणी है। बाळपणै रा सगळा संस्मरण मनै भोत दाय आया। गांधी जी रै पग लागग्यो, बाळ कोनी कटवाऊं, मैं भी बाळ कटवा सूं, ध्यान तो बंटै, लड़ाई छुडवाऊं, रोजीना एक कहाणी, बचपन में लाग्योड़ी है समेत सगळा सस्मरणां में मन नै ऊजळो करण वाळी सीखां भरी पड़ी है। आ किताब बांचगे म्हारै जिस्या टाबरां नै सीख मिलै कै आपां के हां अर आपां नै के करणो चइयै अर के नां करणो चइयै। साची बात तो आ है कै आ पैली किताब है जकी मैं पूरी एक ई सागै बांच दी अर पूरी बांचण स्यूं पैली छोड कोनी सकी। इत्ती बढिया किताब है कै मेरै कनै कैवण नै सबद कोनी। भोत ई बढिया.....भोत ई बढिया किताब है। आ किताब तो हरेक टाबर नै बांचणी चइयै। भोत ठाठ आवै अर भोत सीख मिलै। ताऊजी, इसी किताबां म्हारै खातर मांडता रैवो। आ किताब मेरी सगळी सहेलियां नै भी भोत दाय आई है।

थारी लाडली

नीतू सोनी

जमात : ग्यारवीं

राजकीय उच्च माध्यमिक विद्यालय परलीका (हनुमानगढ़)